लाडकी बहीण योजनेच्या अगोदर देखील ‘या’ 4 योजना देत आहेत 1500 महिन्याला, तुम्ही पात्र आहेत का येथे तपासा

Government Schemes Yojana: ‘मुख्यमंत्री माझी लाडकी बहिण योजना’ ही एक महत्त्वाची योजना आहे ज्याअंतर्गत 21 ते 60 वयोगटातील पात्र महिलांना राज्य सरकार दरमहा 1500 रुपये आर्थिक सहाय्य देते. राज्यातील तरुणी आणि महिलांना या योजनेचा सध्या मोठा फायदा होत आहे. ही योजना जुलै 2024 पासून अंमलात आणली गेली आहे, ज्यामुळे 21 ते 60 वयोगटातील महिलांना या आर्थिक मदतीचा लाभ घेता येत आहे. तथापि, या योजनेसाठी वार्षिक उत्पन्न 2,50,500 रुपयांपेक्षा कमी असणे आवश्यक आहे.

या योजनेव्यतिरिक्त, ‘लाडकी बहीण योजना’ सोबत आणखी चार शासकीय योजना आहेत, ज्या तुम्हाला दरमहा 1500 रुपये मिळवून देऊ शकतात. त्या योजनांच्या पात्रतेबद्दल जाणून घेऊया:

1000 रुपये महिना गुंतवणूक करून बना लखपती; जाणून घ्या पोस्ट ऑफिस PPF स्कीमचे फायदे

1. संजय गांधी निराधार अनुदान योजना – या योजनेअंतर्गत अर्ज मंजूर झाल्यानंतर दरमहा 1500 रुपये लाभ मिळतो.
   विधवा, दिव्यांग, दुर्धर आजाराने ग्रस्त महिला, अनाथ, परित्यक्ता, देवदासी, अत्याचारित महिला, वेश्यावृत्तीमधून मुक्त झालेल्या महिला, तुरुंगातील कैद्यांच्या पत्नी, 35 वर्षांवरील अविवाहित निराधार स्त्रिया इत्यादींना या योजनेचा लाभ घेता येतो. समाजातील दुर्बल घटकांना आर्थिक मदत करण्यासाठी ही योजना सुरू करण्यात आली आहे.
   

   Budget 2025: सरकार 8व्या वेतन आयोगाची घोषणा करणार! सरकारी कर्मचाऱ्यांचा बेसिक पगार 18,000 रुपयांवरून 51,000 रुपयांपर्यंत वाढणार

   आवश्यक कागदपत्रे: अर्जाचा नमुना, वयाचा दाखला (किमान 18 ते 65 वर्षे), महाराष्ट्र राज्याचा किमान 15 वर्षांचा रहिवासी असण्याचा पुरावा, विधवा महिलांसाठी पतीचा मृत्यू दाखला, दिव्यांग व्यक्तींकरिता जिल्हा शल्यचिकित्सकांचा प्रमाणपत्र (किमान 40% दिव्यांगत्व), अनाथ प्रमाणपत्र, दुर्धर आजाराचे प्रमाणपत्र, उत्पन्नाचा दाखला (कमाल वार्षिक उत्पन्न 50,000 रुपये), आधार कार्ड, रेशनकार्ड, निवडणूक ओळखपत्र, बँक पासबुक झेरॉक्स, रहिवासी दाखला, अर्जदाराचा फोटो इत्यादी.

   अर्ज करण्याचे ठिकाण: तहसील कार्यालय, सेतु केंद्र किंवा https://aaplesarkar.mahaonline.gov.in/en/Login/Certificate

2. श्रावण बाळ सेवा राज्य निवृत्तीवेतन योजना – अर्ज मंजूर झाल्यानंतर दरमहा 1500 रुपये लाभ मिळतो. 65 वर्षांवरील निराधार वृद्धांना या योजनेचा लाभ घेता येतो.

   आवश्यक कागदपत्रे: अर्जाचा नमुना, वयाचा दाखला (किमान 65 वर्षे), महाराष्ट्र राज्याचा किमान 15 वर्षांचा रहिवासी असण्याचा पुरावा, उत्पन्नाचा दाखला (कमाल वार्षिक उत्पन्न 21,000 रुपये), BPL नसलेले, आधार कार्ड, रेशनकार्ड, निवडणूक ओळखपत्र, बँक पासबुक झेरॉक्स, रहिवासी दाखला, अर्जदाराचा फोटो.

   

   Business Idea: ₹10 च्या जेवणासाठी झगडणारा हा तरुण आज कसा कमावतो आहे ₹5 लाख? जाणून घ्या त्याची यशोगाथा!

   अर्ज करण्याचे ठिकाण: तहसील कार्यालय, सेतु केंद्र किंवा https://aaplesarkar.mahaonline.gov.in/en/Login/Certificate

3. इंदिरा गांधी राष्ट्रीय वृद्धापकाळ निवृत्तीवेतन योजना – अर्ज मंजूर झाल्यानंतर दरमहा 1500 रुपये लाभ मिळतो. 65 वर्षांवरील निराधार वृद्धांना या योजनेचा लाभ मिळू शकतो.

   आवश्यक कागदपत्रे: अर्जाचा नमुना, वयाचा दाखला (किमान 65 वर्षे), दारिद्र्य रेषेखालील कुटुंबाचा पुरावा, महाराष्ट्र राज्याचा किमान 15 वर्षांचा रहिवासी असण्याचा पुरावा, आधार कार्ड, रेशनकार्ड, निवडणूक ओळखपत्र, बँक पासबुक झेरॉक्स, रहिवासी दाखला, अर्जदाराचा फोटो.

   अर्ज करण्याचे ठिकाण: तहसील कार्यालय, सेतु केंद्र किंवा https://aaplesarkar.mahaonline.gov.in/en/Login/Certificate

4. इंदिरा गांधी राष्ट्रीय अपंग निवृत्तीवेतन योजना – अर्ज मंजूर झाल्यानंतर दरमहा 1500 रुपये लाभ मिळतो. 18 ते 79 वयोगटातील 80% पेक्षा जास्त अपंगत्व असलेल्या व्यक्तींना या योजनेचा लाभ मिळू शकतो.

   आवश्यक कागदपत्रे: अर्जाचा नमुना, अपंगत्वाचा दाखला, दारिद्र्य रेषेखालील कुटुंबाचा पुरावा, महाराष्ट्र राज्याचा किमान 15 वर्षांचा रहिवासी असण्याचा पुरावा, आधार कार्ड, रेशनकार्ड, निवडणूक ओळखपत्र, बँक पासबुक झेरॉक्स, रहिवासी दाखला, अर्जदाराचा फोटो.

   अर्ज करण्याचे ठिकाण: तहसील कार्यालय, सेतु केंद्र किंवा https://aaplesarkar.mahaonline.gov.in/en/Login/Certificate

या योजनांचा लाभ घेण्यासाठी अर्ज आणि संबंधित कागदपत्रे आवश्यक आहेत. अधिक माहितीसाठी नजीकच्या तहसील कार्यालय किंवा सेतु केंद्राशी संपर्क साधा.