51वी (RBI MPC Meeting Results) भारतीय रिझर्व्ह बँकेची एमपीसी बैठक संपली असून, त्याचे निकाल जाहीर झाले आहेत. रिझर्व्ह बँकेचे गव्हर्नर शक्तिकांत दास (Shaktikanta Das) यांनी दोन दिवस चाललेल्या या मौद्रिक धोरण समितीच्या बैठकीत घेतलेल्या निर्णयांची घोषणा केली. यावेळीही (Repo Rate) रेपो दरात कोणताही बदल करण्यात आलेला नाही. त्यामुळे तुमच्या कर्जाच्या ईएमआयमध्ये कोणतीही वाढ किंवा घट होणार नाही. ही सलग 10वी वेळ आहे जेव्हा रिझर्व्ह बँकेने रेपो दरात कोणताही बदल केलेला नाही. रेपो दर सध्या 6.50% वर कायम आहे, तर रिव्हर्स रेपो दर 3.35% आणि बँक दर 6.75% वर स्थिर आहे.
6 पैकी 5 सदस्यांनी बदलाला नकार दिला
7 ऑक्टोबरला सुरू झालेल्या MPC बैठकीत घेतलेल्या निर्णयांबाबत बोलताना RBI गव्हर्नर शक्तिकांत दास यांनी सांगितले की या वेळी समितीत 3 नवीन सदस्य जोडले गेले आहेत. आंतरराष्ट्रीय परिस्थिती आणि इतर मुद्द्यांवर चर्चा केल्यानंतर, 6 पैकी 5 सदस्यांनी व्याजदर स्थिर ठेवण्याचा निर्णय घेतला. तसेच, गव्हर्नर दास यांनी सांगितले की, आता (Policy Stance) धोरणात्मक दृष्टिकोन “Withdrawal of Accommodation” वरून “Neutral” म्हणजेच तटस्थ केला आहे. आंतरराष्ट्रीय अनिश्चितता असूनही, महागाई नियंत्रणात ठेवण्याबाबत भारत यशस्वी ठरला आहे, असेही त्यांनी सांगितले. यामुळे देशाच्या (Economic Growth) आर्थिक विकासाला गती मिळाल्याचेही त्यांनी स्पष्ट केले.
रेपो दराचा EMI वर होणारा परिणाम
रिझर्व्ह बँकेची MPC बैठक प्रत्येक दोन महिन्यांनी होते. यामध्ये RBI गव्हर्नर शक्तिकांत दास यांच्यासह सहा सदस्य महागाई आणि इतर महत्त्वाच्या मुद्द्यांवर चर्चा करतात. (Repo Rate) रेपो दर थेट कर्जदारांवर प्रभाव टाकतो. जर रेपो दर कमी झाला, तर कर्जाच्या (EMI) मासिक हप्त्यांमध्ये घट होते, आणि दर वाढल्यास EMI वाढतो. रेपो दर हा त्या दरावर आधारित असतो ज्यावर देशाची केंद्रीय बँक व्यावसायिक बँकांना पैसे उधार देते.
रेपो दरात झालेली वाढ
सध्या रेपो दर 6.5% वर स्थिर आहे. महागाई 7% पेक्षा जास्त झाल्यामुळे RBI ने मे 2022 ते फेब्रुवारी 2023 दरम्यान रेपो दरात अनेकवेळा वाढ केली होती, ज्यामुळे तो 2.5% ने वाढला होता. मात्र, त्यानंतर रेपो दरात कोणताही बदल करण्यात आलेला नाही.
जीडीपीवरील RBI चे अनुमान
MPC बैठकीनंतर FY2025 च्या दुसऱ्या तिमाहीत जीडीपी वाढीचा दर 7.2% वरून कमी करून 7% करण्यात आला आहे, तर तिसऱ्या तिमाहीसाठी 7.3% वरून वाढवून 7.4% करण्यात आला आहे. चौथ्या तिमाहीत हा दर 7.4% वर जाईल, असा अंदाज व्यक्त करण्यात आला आहे. तसेच, 2026 च्या पहिल्या तिमाहीत GDP 7.3% दराने वाढण्याची शक्यता व्यक्त करण्यात आली आहे.
महागाईबाबत गव्हर्नर काय म्हणाले?
रेपो दर सलग 10व्या वेळी स्थिर ठेवण्यात आल्यानंतर गव्हर्नर शक्तिकांत दास यांनी FY25 साठी किरकोळ महागाईचा (Inflation) अंदाज 4.5% ठेवण्यात आला आहे. दुसऱ्या तिमाहीसाठी हा अंदाज 4.1%, तिसऱ्या तिमाहीसाठी 4.8%, आणि चौथ्या तिमाहीसाठी 4.2% आहे. पुढील वर्षाच्या पहिल्या तिमाहीसाठी महागाईचा दर 4.3% राहण्याचा अंदाज आहे.
शेअर बाजारावर सकारात्मक परिणाम
रेपो दरात कोणताही बदल न झाल्याने शेअर बाजाराने सकारात्मक प्रतिसाद दिला. मिडल ईस्टमध्ये असलेल्या तणावाच्या पार्श्वभूमीवर बाजारात 150 अंकांची वाढ होती, तर BSE Sensex मध्ये 411 अंकांची भर पडून तो 82,046.48 वर पोहोचला. BSE Nifty 25,190 अंकांवर पोहोचला.
